اہم خبریں

عوام کے ووٹ کی حرمت کو پامال نہیں ہونے دیں گے، نواز شریف

بونیر: پاکستان مسلم لیگ (ن) کے قائد نواز شریف کا کہنا ہے کہ اگر میں غدار ہوں تو قومی کمیشن بنایا جائے تاکہ حساب کتاب ہو جائے۔

بونیر میں جلسہ عام سے خطاب کے دوران نواز شریف نے کہا کہ ہم نے دہشت گردوں کی آنکھوں میں آنکھیں ڈال کر دہشت گردی ختم کی، کراچی میں وہاں کی حکومت نے کچھ نہیں کیا ہم نے امن قائم کیا۔ جو پاکستان کا آئین توڑتے اور ملک میں دہشت گردی کا بیچ بوتے ہیں وہ محب وطن ہیں، غدار اس شخص کو کہا گیا جو وطن کے لیے مرتا ہے، یہ الٹی گنگا اب نہیں بہے گی۔ اگر میں غدار ہوں تو قومی کمیشن بنایا جائے تاکہ حساب کتاب ہوجائے، جو مجرم ثابت ہو اسے سرعام پھانسی دی جائے۔ یہ کسی مخصوص لوگوں کا ملک نہیں ہم سب کا ہے، ہم ملک کو نقصان پہنچانے والی طاقتوں کے خلاف کھڑے ہوں گے۔

اس خبر کو بھی پڑھیں : حق بات کروں گا

نواز شریف نے کہا کہ منی لانڈرنگ پر بھی کمیشن بننا چاہیے، ہم چیرمین نیب کو ایسے نہیں چھوڑیں گے، وہ بھی اس کمیشن میں پیش ہوں، چیرمین نیب کمیشن کے سامنے کہیں کہ میں معافی مانگتا ہوں اور گھر جاتا ہوں۔ عوام کے ووٹ کی حرمت کو پامال نہیں ہونے دیں گے، ملک کو نقصان پہنچانے والی طاقتوں کے خلاف کھڑے ہوں گے۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Close