34

نگران حکومت کا نواز ‘ مریم اور کیپٹن (ر)صفدر کے نام ای سی ایل میں ڈالنے کا فیصلہ

لاہور: نگران حکومت نے نواز شریف‘ مریم نواز شریف اور کیپٹن صفدر کے نام ای سی ایل میں ڈالنے کا اصولی فیصلہ کرلیا ہے جس کے بعد کرپشن میں ملوث ٹرائیکا لندن میں عید الفطر نہیں مناسکے گا۔
نیب حکام کی درخواست پر نگران حکومت نے ان تینوں ملزمان کے نام ای سی ایل میں ڈالے جائینگے جس کے بعد وہ لندن عیدالفطر نہیں مناسکیں گے۔ نیب نے وفاقی وزیر داخلہ کو اپریل میں ان تینوں ملزمان کے نام ای سی ایل میں ڈالنے کی ہدایت کی تھی لیکن اس وقت کی حکومت نے نواز شریف کے علاوہ دیگر ملزمان کے نام ای سی ایل میں ڈالنے سے انکار کردیا تھا۔
نگران حکومت نے ان تینوں ملزمان کے نام اب ای سی ایل میں ڈالنے بارے حتمی فیصلہ کرلیا ہے اور اس مقصد کیلئے وزارت داخلہ کے اعلیٰ حکام کے ایک اہم اجلاس میں فیصلہ کیا جائے گا۔
احتساب عدالت نے بھی نواز شریف‘ مریم نواز اور کیپٹن (ر) صفدر کو بھی استثنیٰ دینے سے انکار کردیا ہے اور قرار دیا ہے کہ وہ عدالت میں موجود رہیں۔اب وزارت داخلہ ان ملزمان کے نام بھی ای سی ایل میں ڈالے جائیں گے اور یہ ملک سے بھاگ نہیں سکیں گے۔

اس خبر پر اپنی رائے کا اظہار کریں

اپنا تبصرہ بھیجیں