پاکستان

پنجاب کی نگراں کابینہ میں توسیع، مزید 4 وزرا نے حلف اٹھالیا

لاہور: پنجاب کی نگراں کابینہ میں توسیع کے بعد آج مزید 4 وزرا نے اپنے عہدوں کا حلف اٹھالیا ہے۔
پنجاب کی نگراں کابینہ میں توسیع کردی گئی ہے جس کے بعد آج مزید 4 وزرا نے اپنے عہدوں کا حلف اٹھالیا ہے، حلف برداری کی تقریب گورنر ہاو¿س میں ہوئی جہاں گورنر پنجاب رفیق رجوانہ نے کابینہ کے نئے ارکان سے حلف لیا، اس موقع پر نگراں وزیراعلیٰ پنجاب ڈاکٹر حسن عسکری سمیت دیگر اہم شخصیات بھی موجود تھیں۔
نئے وزرا میں سعید اللہ بابر کو ہاو¿سنگ اینڈ فزیکل پلاننگ کوآپریٹو اور ماحولیات کا قلمدان دیاگیا ہے، سردار تنویر الیاس خان کو زراعت اور فوڈ اینڈ پلاننگ ڈویلپمنٹ کا قلمدان سونپا گیا ہے۔ میاں نعمان کبیر کو لیبراینڈ ہیومن ریسورس لوکل ڈویلپمنٹ اور ٹرانسپورٹ جب کہ چوہدری مشتاق کو ہائیر ایجوکیشن، اسکول ایجوکیشن، اسپیشل ایجوکیشن اور نان فارمل بیسک ایجوکیشن کا قلمدان دیا گیا ہے۔
واضح رہے کہ اس سے قبل پہلے مرحلے میں پنجاب کی نگراں کابینہ کے لیے 6 وزرا نے حلف اٹھایا تھا تاہم آج مزید ارکان کے حلف اٹھانے کے بعد پنجاب کی نگراں کابینہ کے ارکان کی تعداد 10 ہوگئی ہے۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Close