سونا 4 ڈالر سستا، پاکستان میں 50 روپے تولہ مہنگا

0
3

کراچی: بین الاقوامی بلین مارکیٹ میں فی اونس سونا 4 ڈالر سستا جب کہ پاکستان میں 50 روپے تولہ مہنگا ہو گیا۔بین الاقوامی بلین مارکیٹ میں فی اونس سونے کی قیمت4ڈالرکی کمی سے 1249 ڈالرکی سطح پرپہنچنے کے باوجود مقامی صرافہ مارکیٹوں میں پرائس ایڈجسٹمنٹ کے نام پر تولہ اور دس گرام سونے کی قیمتوں میں بالترتیب50 اور43روپے کا اضافہ کردیاگیا ۔

کراچی حیدرآباد سکھر ملتان فیصل آباد لاہور اسلام آباد راولپنڈی پشاور اور کوئٹہ کی صرافہ مارکیٹوں میں فی تولہ سونے کی قیمت بڑھ کر 59 ہزار 550 اور فی دس گرام سونے کی قیمت بڑھ کر51 ہزار 54روپے ہوگئی۔اس کے برعکس فی تولہ چاندی کی قیمت بغیرکسی تبدیلی کے780 اور فی دس گرام چاندی کی قیمت668روپے 72پیسے پر مستحکم رہی ہے۔

LEAVE A REPLY

Please enter your comment!
Please enter your name here