کھیل

پاکستان کیخلاف ون ڈے سیریز کیلئے زمبابوین اسکواڈ کا اعلان

زمبابوے اور پاکستان کے درمیان پانچ ون ڈے میچوں پر مشتمل سیریز کا پہلا میچ جمعہ کو بلاوایو اسٹیڈیم میں کھیلا جائے گا

بلاوایو:زمبابوے نے پاکستان کے خلاف پانچ ون ڈے میچوں کی سیریز کےلئے اسکواڈ کا اعلان کر دیا ہے جس میں 3 نئے کھلاڑیوں لیام روچ، تناشے کامن ہوکموے اور ریان مرے کو شامل کیا گیا ہے،اہم کھلاڑیوں کی عدم دستیابی جیسے مسائل سے دوچار زمبابوین ٹیم مزید مشکلات کا شکار ہو گئی ہے اور ٹیم کے اوپننگ بیٹسمین سولومون میر اور فاسٹ باولر کائل جاروس انجریز کے باعث سیریز سے باہر ہو گئے ہیں،زمبابوے کو اس سیریز میں اپنے اہم ترین اور تجربہ کار کھلاڑیوں برینڈن ٹیلر اور سکندر رضا کی خدمات حاصل نہیں ہوں گی ،سکندر رضا کینیڈا میں گلوبل ٹی20 لیگ کھیلنے میں مصروف ہیں جبکہ برینڈن ٹیلر کا معاوضوں کی عدم ادائیگی کی وجہ سے بورڈ سے اختلاف ہے، اس لیے انہوں نے سہ ملکی ٹی20 سیریز میں بھی حصہ نہیں لیا تھا۔

اعلان کردہ اسکواڈ کے کپتان ہملٹن مساکاڈزا ہیں جبکہ دیگر کھلاڑیوں میں برائن چاری، ٹنڈائی چتارا، چامو چبابا، ایلٹن چگمبرا، ٹنڈائی چیسورو، تناشے کامنہو، ویلنگٹن مساکاڈزا، پیٹر مور، ریان مرے، تریسائی موساکانڈا، بلیسنگ موزربانی، رچرڈ این گراوا، لیام روچ، ڈونلڈ ٹریپانو اور میلکم والر پر مشتمل ہے۔زمبابوے اور پاکستان کے درمیان پانچ ون ڈے میچوں پر مشتمل سیریز کا پہلا میچ جمعہ کو بلاوایو اسٹیڈیم میں کھیلا جائے گا۔سہ فریقی ٹی ٹونٹی سیریز میں شاندار فتح کے بعد گرین شرٹس کے کھلاڑیوں نے اب زمبابوے کے خلاف ون ڈے انٹرنیشنل سیریز پر نظریں مرکوز کر لیں اور میزبان ٹیم کے لیے ان فارم پاکستانی ٹیم کو زیر کرنا بڑا چیلنج ہو گا۔دونوں ٹیموں کے درمیان دوسرا ون ڈے 16 جولائی، تیسرا 18 جولائی، چوتھا 20 جولائی جبکہ پانچواں اور آخری میچ 22 جولائی کو کھیلا جائے گا۔

 

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Close