شوبز

پاکستان آنے کے لیے ترس رہی ہوں: سونم کپور

نہ صرف پاکستان آنے کی خواہش کا اظہار کیا، بلکہ انہوں نے ہندو انتہاپسندوں کو غصہ دلانے کی باتیں بھی کیں

ممبئی:بولی وڈ کی اسٹائلش اداکارہ سونم کپور نے جن کی گزشتہ ماہ جون میں ریلیز ہونے والی بولڈ فلم ‘ویرے دی ویڈنگ’ پاکستان میں ریلیز نہیں کی گئی تھی، انہوں نے اعتراف کیا ہے کہ وہ یہاں آنے کو ترس رہی ہیں۔رواں برس اپنی شادی کی وجہ سے میڈیا کی خبروں میں کئی ہفتوں تک رہنے والی سونم کپور ایک بار پھر اپنے منفرد بیان کی وجہ سے خبروں کی زینت بنی ہیں۔اس بار وہ اپنی کسی فلم یا کردار کے حوالے سے نہیں بلکہ اس بیان کی وجہ س سے خبروں میں ہیں کہ انہوں نے نہ صرف پاکستان آنے کی خواہش کا اظہار کیا، بلکہ انہوں نے ہندو انتہاپسندوں کو غصہ دلانے کی باتیں بھی کیں۔

ہندوستان ٹائمز کی رپورٹ کے مطابق سونم کپور نے سوشل شیرنگ ایپلی کیشن انسٹاگرام پر نئے متعارف کرائے گئے فیچر ‘آسک می’ کو استعمال کرتے ہوئے مداحوں کے سوالوں کے جوابات دیے۔اس فیچر کے ذریعے اداکارہ سے دنیا بھر میں رہنے والے مداحوں نے آن لائن سوالات کیے، جن کے انہوں نے جوابات دیے۔

اداکارہ نے جہاں سوالوں کے جواب دیتے ہوئے پاکستان آنے کی خواہش کا اظہار کیا وہیں انہوں نے مسلمانوں سے بھی محبت کرنے کی بات کہی۔مسلمانوں سے محبت کے حوالے سے پوچھے گئے ایک صارف کے سوال کے جواب میں اداکارہ نے بتایا کہ وہ تمام مذاہب کے پیروکاروں سے محبت کرتی ہیں، کیوں کہ ہندو ازم نے انہیں سب سے محبت کا درس دیا ہے۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Close