کھیل

پاکستان نے زمبابوے کو 201 رنز سے شکست دیدی

قومی ٹیم کی جانب سے لیگ اسپنر شاداب خان نے 4، عثمان خان ، فہیم اشرف نے 2،2 جب کہ حسن علی اور محمد عامر نے ایک ایک وکٹ حاصل کی

بلاوایو: پاکستان نے پانچ ایک روزہ میچز پر مشتمل سیریز کے پہلے میچ میں زمبابوے کو 201 رنز سے شکست دیدی۔ زمبابوے کے شہر بلاوایو میں کھیلے گئے پہلے میچ میں پاکستان نے زمبابوے کو جیت کے لیے 309 رنز کا ہدف دیا ہے جس کے تعاقب میں زمبابوے کی پوری ٹیم صرف 107 رنز ہی بناسکی۔زمبابوے کی جانب سے صرف 4 کھلاڑی ڈبل فیگر میں داخل ہوئے جن میں چامو چبھابا 20، ڈونلڈ ٹریپانو 12، تراسائی مساکنڈا 21 رنز بناکر آوٹ ہوئے جب کہ ریان مرے 32 رنز پر ناٹ آوٹ رہے۔

قومی ٹیم کی جانب سے لیگ اسپنر شاداب خان نے 4، عثمان خان ، فہیم اشرف نے 2،2 جب کہ حسن علی اور محمد عامر نے ایک ایک وکٹ حاصل کی۔اس سے قبل زمبابوے نے ٹاس جیت کر پہلے فیلڈنگ کا فیصلہ کیا تو پاکستان کی جانب سے اننگز کا آغاز فخرزمان اور امام الحق نے کیا، دونوں اوپنرز نے پر اعتماد اننگز کا آغاز کیا اور 133 رنز کی شراکت قائم کی جس کے بعد فخرزمان 60 رنز بناکر آوٹ ہوگئے، امام الحق نے 129 رنز کی شاندار اننگز کھیلی۔

ون ڈاون آنے والے بابر اعظم نے 30 جب کہ شعیب ملک نے 22 رنز کی اننگز کھیلی، آصف علی نے بھی 25 گیندوں پر 46 رنز کی جارحانہ اننگز کھیلی جس کی بدولت پاکستان نے مقررہ اوورز میں 7 وکٹوں کے نقصان پر 308 رنز بنائے۔واضح رہے کہ اس سے قبل قومی ٹیم نے ہرارے میں کھیلی گئی سہ ملکی سیریز میں فتح حاصل کی تھی، قومی ٹیم نے فائنل میں آسٹریلیا کو 6 وکٹوں سے شکست دی تھی۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Close