بین الاقوامی

یونان کے جنگلات میں لگی آگ سے ہلاکتوں کی تعداد 91 ہوگئی

ایتھنز: یونان کے ساحلی علاقوں سے متصل جنگلات میں لگی آگ تاحال بے قابو ہے جس کی زد میں آکر ہلاک ہونے والوں کی تعداد 91 ہوگئی ہے۔بین الاقوامی خبر رساں ادارے کے مطابق یونان کے دارالحکومت سے متصل جنگلات میں خوفناک آتشزدگی پر 6 دن بعد بھی قابو نہیں پایا جا سکا ہے۔ تیزی سے پھیلنے والی آگ سے مزید 3 افراد ہلاک ہو گئے ہیں اس طرح 24 جولائی کو لگنے والی آگ سے ہلاک ہونے والوں کی تعداد 91 ہو گئی ہے جب کہ سیکڑوں افراد زخمی اور 25 تاحال لاپتہ ہیں۔
ہلاک ہونے والوں میں 28 کی لاشیں ناقابل شناخت ہیں جن کے ڈی این اے کے نمونے فرانزک لیب بھیجوائے گئے ہیں۔ ایتھنز کے ساحلی علاقوں میں لگنے والی اس آگ کو ملکی تاریخ کی بد ترین آتشزدگی قرار دیا جا رہا ہے جس نے رہائشی علاقوں کو اپنی لپیٹ میں لے لیا ہے۔ اب تک سیکڑوں عمارتیں اور گھر راکھ کا ڈھیر بن چکے ہیں، ریسکیو کا عملہ امدادی کارروائیوں میں مصروف ہے اور تاحال لوگوں کی نقل مکانی کا سلسلہ جاری ہے۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Close